Aajkal

Aajkal pyaar kya hai

Milo jab tak achcha lage

Ghoomo phiro

Phir aage badho...

Aajkal rishtey kya hain

Mujhe mere comfort zone se na nikaalo

Baaki jitney marzi

Whatsapp messages kara lo...

Aajkal vishwas kya hai

Mera bharosa hi asli hai

Kuch aur manne walon ko

Maar daalo...

Aajkal zindagi kya hai

Games, marks ya phir

Jhoothi shaan ke liye

Khud ki jaan le daalo...

Aajkal mere khayal hain

Aisi duniya se mujhe bachao

Alternate universe mein

Mujhe koi pahuncha do!